[CPD_READS_THIS] សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ នៅថ្ងៃទី២៧ ខែធ្នូ ឆ្នាំ២០១៩ បានអញ្ជើញ ក្នុងពិធីបិទមហាសន្និបាត អាណត្តិទី៣ សម្ព័ន្ធភាពជាតិ សមាគមក្រុមប្រឹក្សាក្រុងស្រុក ខណ្ឌ ឃុំ សង្កាត់ ពិធីនេះបាន រៀបចំធ្វើឡើងនៅសណ្ឋាគារ ភ្នំពេញ ។
ថ្លែងនៅក្នុងពិធីបិទមហា សន្និបាតអាណត្តិទី៣ សម្ព័ន្ធភាពជាតិសមាគមក្រុមប្រឹក្សា ក្រុង ស្រុក ខណ្ឌ ឃុំ សង្កាត់ សម្តេចក្រឡាហោម ស ខេង បានអំពាវនាវឱ្យក្រុមប្រឹក្សាឃុំ សង្កាត់ត្រូវបន្តផ្តោតការយក ចិត្តទុកដាក់ក្នុងការគ្រប់គ្រង ចាត់ចែង និងប្រើប្រាស់ថវិកា ទាំងនេះឱ្យកាន់តែមានប្រសិទ្ធ ភាព តម្លាភាព និងគណនេយ្យ ភាព ស្របតាមគោលការណ៍ និងនីតិវិធីដែលបានកំណត់ ដើម្បីឆ្លើយតបទៅនឹងបញ្ហា ប្រឈមនិងតម្រូវការចាំបាច់ នានារបស់ប្រជាពលរដ្ឋក្នុង ដែនសមត្ថកិច្ចរបស់ខ្លួន ។
សម្តេចក្រឡាហោម ស ខេង បានមានប្រសាសន៍ទៀត ថា ត្រូវបន្តផ្តោតការយកចិត្ត ទុកដាក់ក្នុងការគ្រប់គ្រងចាត់ ចែងនិងប្រើប្រាស់ថវិកាឆ្នាំ ២០២០ ខាងមុខ ឱ្យកាន់តែ មានប្រសិទ្ធភាព តម្លាភាព និង គណនេយ្យភាព ។
នាពេលថ្មីៗនេះរាជរដ្ឋាភិ បាលបានដាក់ចេញអនុក្រឹត្យ ស្តីពីការផ្ទេរធនធានបន្ថែមពី ថវិការដ្ឋជូនរដ្ឋបាលឃុំសង្កាត់ សម្រាប់ចំណាយអភិវឌ្ឍន៍ មូលដ្ឋានចាប់ពីឆ្នាំ២០២០ តទៅ ដែលក្នុងនោះរដ្ឋបាលឃុំ សង្កាត់នីមួយៗនឹងទទួលបាន ថវិកាសរុបជាមធ្យមចំនួន ប្រមាណ ១២២.០០០ដុល្លារ ក្នុងនោះថវិកាផ្នែកអភិវឌ្ឍន៍ មូលដ្ឋានមានចំនួនប្រមាណ ជាង៧០.០០០ដុល្លារ ពោល គឺកើនឡើងទ្វេដង ។
ជាមួយគ្នានេះ សម្តេច ក្រឡាហោម ស ខេង បានស្នើ ឱ្យសមាគមក្រុមប្រឹក្សាថ្នាក់ ក្រោមជាតិ សហការជាមួយ ក្រសួងស្ថាប័នពាក់ព័ន្ធនិងរដ្ឋបាលរាជធានី ខេត្ត ក្រុងស្រុក ខណ្ឌ បន្តផ្តល់ការគាំទ្រផ្នែក បច្ចេកទេសនិងការអភិវឌ្ឍ សមត្ថភាពដល់ក្រុមប្រឹក្សាឃុំ សង្កាត់ ដើម្បីធានាដល់ការចាត់ចែង និងការប្រើប្រាស់ ថវិកាទាំងនេះឱ្យបានត្រឹមត្រូវ និងមានប្រសិទ្ធភាពខ្ពស់ ។
ជាងនេះទៅទៀត សម្តេច ក្រឡាហោម ស ខេង លើក ឡើងថា ការធានានិរន្តរភាព ការងាររដ្ឋបាល និងការផ្តល់ សេវាជូនប្រជាពលរដ្ឋក្នុង ដំណើរការរៀបចំរចនាសម្ព័ន្ធថ្មីនៃរដ្ឋបាលក្រុង ស្រុក ខណ្ឌ ដើម្បីធានាបន្តគ្រប់គ្រងចាត់ ចែងកិច្ចការ ឯកសារនិងទ្រព្យ សម្បត្តិប្រកបដោយនិរន្តរភាព តម្លាភាព និងប្រសិទ្ធភាព ជា ពិសេសការផ្តល់សេវារដ្ឋបាល និងសេវាសាធារណៈនានាជូន ប្រជាពលរដ្ឋស្របតាមគោល ការណ៍កំណតក្រសួងមហាផ្ទៃ បានដាក់ចេញនូវសេចក្តីណែ នាំស្តីពីការធានានិរន្តរភាព ការងាររដ្ឋបាលនិងការផ្តល់ សេវាសាធារណៈ ។
សម្តេចក្រឡាហោម ស ខេង បានបន្តថា សេចក្តីណែ នាំនេះគ្រោងនឹផ្សព្វផ្សាយដល់ រដ្ឋបាលរាជធានី-ខេត្តនារសៀល ថ្ងៃនេះ នៅទីស្តីការក្រសួង មហាផ្ទៃដើម្បីឱ្យរដ្ឋបាលរាជ ធានីខេត្តបន្តផ្សព្វផ្សាយណែនាំ ដល់រដ្ឋបាល ក្រុង ស្រុក ខណ្ឌ ក្នុងដែនសមត្ថកិច្ចរបស់ខ្លួន ក្នុងការចាត់ចែង និងអនុវត្ត កិច្ចការទាំងនេះ ៕
