[CPD_READS_THIS] នៅក្នុងពិធីលែងកូនត្រី កាលពីព្រឹកថ្ងៃទី២៩ខែសីហា នេះ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបាន ថ្លែងថា ប្រជាពលរដ្ឋចូលរួម ថែរក្សាត្រីនៅក្នុងបឹងធម្មជាតិ និងបង្កើនការចិញ្ចឹមត្រីនៅ តាមលំនៅដ្ឋាន ដើម្បីដោះ ស្រាយជីវភាពប្រចាំថ្ងៃនៅ ក្នុងគ្រួសារប្រសើរជាងការ ទៅរកត្រីកំពុងក្រខ្សត់នៅ តាមស្ទឹង-ព្រែក និងទន្លេ។
ឯកឧត្តមបានថ្លែងបែប នេះ នៅក្នុងពិធីលែងកូនត្រី និងមេពូជត្រីនៅក្នុងបឹងខ្សែត ឃុំចោងម៉ោង ស្រុកទឹកផុស ចំនួន ៩ម៉ឺនក្បាល និងដាំកូន ឈើព្រៃលិចទឹកចំនួន ២០០ ដើមផងដែរ នៅតាមមាត់បឹង ដោយមានប្រជាពលរដ្ឋនិង មន្ត្រីរាជការចូលរួមយ៉ាងច្រើន កុះករ ។
តាមរបាយការណ៍របស់ លោក ហិន ហ៊ុន ប្រធានមន្ទីរ កសិកម្មរុក្ខាប្រមាញ់និងនេ- សាទខេត្តកំពង់ឆ្នាំងបានឱ្យដឹង ថា បឹងខ្សែតនេះមានទំហំជាង ១៤ហិកតា ហើយការលែងកូន ត្រីនៅក្នុងបឹងនៅព្រឹកនេះ មានត្រីសរុបចំនួន ៩ម៉ឺនក្បាល គឺត្រីមេពូជចំនួន ១ម៉ឺនក្បាល និងកូនត្រីចម្រុះចំនួន ៨ម៉ឺន ក្បាល ក្នុងនោះមាន ត្រីឆ្ពិន ត្រីអណ្តែង ត្រីរ៉ស់ ត្រីក្រាញ់ អន្ទង់ កង្កែប និងខ្យងផងដែរ ហើយ នៅក្នុងពិធីនេះក៏បាន ដាំកូនឈើព្រៃលិចទឹកចំនួន ២០០ដើមផងដែរ នៅតាម មាត់បឹងមួយនេះ ។
ឯកឧត្តមអភិបាលខេត្ត បានបន្តថាការលែងកូនត្រីនិង មេពូជត្រីចូលបឹងធម្មជាតិ គឺ ជាកម្មវិធីមួយដែលរាជរដ្ឋាភិ បាលបានកំណត់ឱ្យមន្ត្រីរាជការ គ្រប់ខេត្តជាអ្នកអនុវត្ត ដោយ ក្នុងមួយឆ្នាំត្រូវធ្វើពិធីម្តង ។
ពិធីនេះធ្វើឡើង គឺចង់ ក្រើនរំលឹកឱ្យប្រជាពលរដ្ឋ យកចិត្តទុកដាក់ការថែរក្សា ការពារត្រីនៅក្នុងបឹងបួធម្ម- ជាតិដោយត្រូវធ្វើការនេសាទ ចាប់ត្រីប្រើប្រាស់ឧបករណ៍ នេសាទស្របច្បាប់ ។
ឯកឧត្តមអភិបាលខេត្ត កំពង់ឆ្នាំងបានបញ្ជាក់ទៀត ថា តាមការសិក្សាស្រាវជ្រាវ របស់អ្នកជំនាញ គឺមនុស្ស យើងពេញវ័យម្នាក់ៗត្រូវការ ហូបត្រីក្នុងមួយឆ្នាំចំនួនជាង ៥០គីឡូក្រាម គឺត្រូវការបរិ- ភោគត្រីច្រើនជាងសាច់ ។ ហេតុដូច្នេះហើយដើម្បីដោះ ស្រាយតម្រូវការនេះ ខណៈ ដែលត្រីនៅតាមស្ទឹង-បឹង ព្រែកនិងទន្លេមិនសូវសំបូរ យើងទាំងអស់គ្នាត្រូវតែបង្កើន ការចិញ្ចឹមត្រីនៅតាមផ្ទះនិង សហគមន៍ដើម្បីផ្គត់ផ្គង់ជីវភាព គ្រួសារ ។
ឯកឧត្តមក៏បានសំណូមពរ ប្រជាពលរដ្ឋ សូមចូលរួមថែ រក្សាត្រីធម្មជាតិគឺមិនត្រូវនេ- សាទត្រីក្នុងរដូវហាមឃាត់ ពិសេសការប្រើប្រាស់ឧបករណ៍ ឆក់ត្រី ដែលជាអំពើល្មើស ច្បាប់ ដែលបើសមត្ថកិច្ចចាប់ បានជនល្មើសក៏មានទោស ព្រហ្មទណ្ឌជាប់ពន្ធធនាគារ ផងដែរ ៕
