[CPD_READS_THIS] ឯកឧត្តម គង់ សោភ័ណ្ឌ អភិបាលនៃគណៈអភិបាល ខេត្តកណ្តាលបានជម្រុញដល់ មន្ត្រីរាជការ និងមេភូមិមេឃុំ ត្រូវយកចិត្តទុកដាក់បំរើសេវា សាធារណៈជូនប្រជាពលរដ្ឋ ឱ្យបានល្អប្រសើរនិងខិតខំ លើកទឹកចិត្តប្រជាពលរដ្ឋឱ្យ មករកសេវានៅការិយាល័យ ច្រកចេញចូលតែមួយ ដោយ ខ្លួនឯងជៀសវាងទៅពឹងពាក់ អ្នកដទៃរត់ការឱ្យ ។
គូសបញ្ជាក់យ៉ាងដូច្នេះ ធ្វើឡើងខណៈដែល ឯកឧត្តម អញ្ជើញជាអធិបតីក្នុងពិធី សម្ពោធដាក់ឱ្យប្រើប្រាស់រួម គ្នានូវអគារការិយាល័យច្រក ចេញចូលតែមួយនិងការិយា ល័យប្រជាពលរដ្ឋរបស់រដ្ឋបាល ស្រុកពញាឮ នាព្រឹកថ្ងៃទី១ ខែកញ្ញា ឆ្នាំ២០២០ ។
យោងតាមរបាយការណ៍ លទ្ធផលការអនុវត្តការងារ របស់រដ្ឋបាលស្រុក ឯកឧត្តម បានធ្វើការកោតសរសើរនិង វាយតម្លៃខ្ពស់ចំពោះក្រុម ប្រឹក្សា គណៈអភិបាល កង កំលាំងប្រដាប់អាវុធទាំងបី និងមន្ត្រីគ្រប់លំដាប់ថ្នាក់ដែល បានយកចិត្តទុកដាក់អនុវត្តនូវ តួនាទី ភារកិច្ច ខិតខំបំពេញ ការងារកន្លងមករហូតសម្រេច បានសមិទ្ធផលធំៗជាច្រើនគួរ ជាទីមោទនៈនិងសូមលើកទឹក ចិត្តបន្តការខិតខំបន្ថែមទៀត ដើម្បីអភិវឌ្ឍន៍នៅក្នុងមូលដ្ឋាន ឱ្យកាន់តែប្រសើរឡើងលើ គ្រប់វិស័យ ។
ឯកឧត្តមបញ្ជាក់ថា ដោយការមើលឃើញអំពី សំណូមពរនិងតម្រូវការចាំ បាច់របស់ប្រជាពលរដ្ឋទាក់ ទងទៅនឹងសេវារដ្ឋបាលដាច់ ដោយដុំៗនិងច្រើនកន្លែងទើប រាជរដ្ឋាភិបាលកម្ពុជាបាន សម្រេចបង្កើតឱ្យមានច្រក ចេញចូលតែមួយនេះឡើង ។
ដូច្នេះពេលនេះការិយា ល័យខាងលើមានវត្តមាននៅ នឹងមូលដ្ឋានរបស់បងប្អូន ហើយ ។ សូមឱ្យប្រជាពលរដ្ឋ ទាំងអស់មកប្រើប្រាស់សេវា នេះដោយខ្លួនឯង ដោយមិន ត្រូវពឹងពាក់អ្នកដទៃរត់ការឱ្យ ខ្លួនឡើយ ។ ក្រៅពីនោះ មន្ត្រីរាជការ និងមេភូមិ ត្រូវ ខិតខំផ្តល់សេវាសាធារណៈ ជូនប្រជាពលរដ្ឋឱ្យបានល្អ ប្រសើរ ជាពិសេសម្នាក់ៗត្រូវ លើកទឹកចិត្តដល់ប្រជាពលរដ្ឋ ត្រូវការសេវាមកកាន់ការិយា ល័យច្រកចេញចូលតែមួយ និងការិយាល័យប្រជាពលរដ្ឋ ដោយខ្លួនឯង ពីព្រោះថា បើ ធ្វើដូច្នេះនឹងធ្វើឱ្យពួកគាត់មិន ខ្លាចរអា និងថែមទាំងបាន យល់ដឹងអំពីនីតិវិធីរដ្ឋបាល មួយចំនួននៃតម្លៃសេវា ខណៈ ដែលមន្ត្រីជំនាញកំពុងបំពេញ កិច្ចការប្រចាំថ្ងៃជូននោះ ។
នាឱកាសនេះដែរ ក៏មាន ការប្រារឰពិធីដាំកូនឈើជា ច្រើនប្រភេទក្នុងបរិវេណ សាលាស្រុកក្នុងគោលបំណង បង្កើនសោភ័ណ្ឌភាពធ្វើឱ្យ បរិស្ថានប្រែជាបៃតងស្រស់ បំព្រង ។ ឯកឧត្តម ក៏បាន ជម្រុញនិងលើកទឹកចិត្តដល់ មន្ត្រីអាជ្ញាធរ សិស្សានុសិស្ស ប្រជាពលរដ្ឋទាំងអស់ចូលរួម ស្រលាញ់និងថែរក្សាបរិស្ថាន ដោយចូលរួមដាំដើមឈើឱ្យ បានច្រើននៅតាមទីធ្លារសា- ធារណៈផ្សេងៗ ពិសេសនៅ តាមសាលារៀន វត្តអារ៉ាម ភូមិឋានរបស់យើង ។
ឆ្លៀតក្នុងឱកាសនេះដែរ ឯកឧត្តម បាននាំយកសម្ភារៈ មានសារុង និងថវិកាដើម្បី ឧបត្ថម្ភដល់សមាជិកសមា- ជិកានៃអង្គពិធីចំនួន៥១៣នាក់ ដោយម្នាក់ៗទទួលបានថវិកា ៥ម៉ឺនរៀល សារ៉ុង០១ ម៉ាស់ និងជែលលាងដៃមួយចំនួន ។
ក្រោយពិធីនេះបានបញ្ចប់ ឯកឧត្តម និងសហការី អម ដំណើដោយលោកអភិបាល ស្រុកបានបន្តអញ្ជើញសួរសុខ ទុក្ខ និងប្រគល់ផ្ទះមួយខ្នង ព្រមទាំងនាំយកអំណោយ មានអង្ករ៣០គីឡូក្រាម មី២កេស ទឹកត្រី១យួរ ទឹកស៊ី អ៊ីវ១យួរ ត្រីខកំប៉ុង២យួរ និង ថវិកា ៤០ម៉ឺនរៀល ដែលជា អំណោយដ៏ថ្លៃថ្លារបស់សម្តេច តេជោនាយករដ្ឋមន្ត្រីនិងជា ប្រធានសមាគមអតីតយុទ្ធជន កម្ពុជា ជូនដល់លោកយាយ លោកតារស់នៅគ្មានទីពឹង នៅឃុំកោះចិន ស្រុកពញាឮ ផងដែរ ៕
