[CPD_READS_THIS] ឯកឧត្តម នៃ ចារី អភិបាលរងខេត្តកណ្តាលបានស្នើ ដល់កងកម្លាំងវរៈសេនាតូច នគរបាលការពារព្រំដែនគោក លេខ៦០៥ ត្រូវចុះល្បាតជា ប្រចាំនៅតាមខ្សែបន្ទាត់ព្រំដែន ដើម្បីរក្សាឱ្យបាននូវអធិបតេយ្យភាព សុវត្ថិភាព និង ភាពសុខក្សេមក្សាន្តជូនប្រជា ពលរដ្ឋនៅតាមខ្សែបន្ទាត់ព្រំ ដែន ។
ឯកឧត្តមអភិបាលរងខេត្ត លើកឡើងបែបនេះក្នុងឱកាស ឯកឧត្តម អញ្ជើញជាអធិបតី ពិធីប្រកាសផ្ទេរភារកិច្ច តែង តាំងមុខតំណែងបំពាក់ឋាន ន្តរសក្តិ មន្ត្រីវរៈសេនាតូច នគរបាលការពារព្រំដែនគោក លេខ៦០៥ នៃស្នងការដ្ឋាន នគរបាលខេត្តកណ្តាលដោយ មានការអញ្ជើញចូលរួមពី ឯកឧត្តម ឧត្តមសេនីយ៍ឯក ហាវ ចាន់សិទ្ធី អនុប្រធាន នាយកដ្ឋានបុគ្គលិកនៃអគ្គស្នង ការនគរបាលជាតិនៅវរៈសេនា តូចនគបាលការពារព្រំដែន គោកលេខ៦០៥ កាលពីព្រឹក ថ្ងៃទី០៣ ខែកញ្ញា ឆ្នាំ២០ ២០ ។
ឯកឧត្តមអភិបាលរងខេត្ត បន្តថា កងកម្លាំងនគរបាល ការពារព្រំដែនគោកលេខ ៦០៥ ត្រូវចុះល្បាតជាប្រចាំ នៅតាមខ្សែបន្ទាត់ព្រំដែន ដែលជាសមត្ថកិច្ចរបស់ខ្លួន ដើម្បីរក្សាឱ្យបាននូវអធិប- តេយ្យភាពធ្វើយ៉ាងណាឱ្យ ខ្សែបន្ទាត់ព្រំដែនមានសន្តិសុខ សុវត្ថិភាពនិងការអភិវឌ្ឍរីក ចម្រើនផងដែរ ។
ឆ្លៀតក្នុងឱកាសនោះដែរ ឯកឧត្តមអភិបាលរងខេត្តបាន សម្តែងនូវការកោតសរសើរ ចំពោះកងកម្លាំងសមត្ថកិច្ច គ្រប់ថ្នាក់ដែលបានខិតខំប្រឹង ប្រែងបំពេញភារកិច្ចគោរព តាមគោលការណ៍និងបទ បញ្ជានានាក្នុងការថែរក្សា សន្តិសុខ សុវត្ថិភាព សណ្តាប់ ធ្នាប់សង្គមនិងរក្សាបានភាព សុខក្សេមក្សាន្តជូនប្រជាពលរដ្ឋ នៅក្នុងមូលដ្ឋាន ពិសេសនៅ តាមខ្សែបន្ទាត់ព្រំដែន ។
ឯកឧត្តមបានចូលរួមអប អរសាទរចំពោះនាយនគរបាលជាតិជាន់ខ្ពស់នាយនគរ បាលដែលទើបទទួលប្រកាស ផ្ទេរភារកិច្ចតែងតាំងមុខ តំណែងនិងតម្លើងឋានន្តរសក្តិ។
ឯកឧត្តម ឧត្តមសេនីយ៍ ឯក ហាវ ចាន់សិទ្ធី បានលើក ឡើងថា ការប្រកាសមុខ តំណែងនិងតម្លើងឋានន្តរសក្តិ នៅទីនេះ គឺជាការឆ្លុះបញ្ចាំង អំពីការយកចិត្តទុកដាក់ខ្ពស់ របស់រាជរដ្ឋាភិបាលក៏ដូចជា ក្រសួងមហាផ្ទៃ ពិសេសអគ្គស្នងដ្ឋានការនគរបាលជាតិ ។
ឯកឧត្តមក៏បានស្នើដល់ នាយនគរបាលជាតិដែលទើប តែងតាំងនិងតំឡើងឋានន្តរ សក្កិ ត្រូវខិតខំយកចិត្តទុកដាក់ អនុវត្តនូវតួនាទីភារកិច្ចរបស់ ខ្លួនឱ្យបានម៉ត់ចត់ និងមាន ប្រសិទ្ធភាពព្រមទាំងខិតខំ រៀនសូត្របង្កើតនូវចំណេះដឹង ជំនាញបន្ថែមទៀត ដើម្បីធ្វើ ជាគំរូល្អដល់កងកម្លាំងក្រោម ឱវាទក្នុងការរក្សាឱ្យបាននូវ សុវត្ថិភាពសណ្តាប់ធ្នាប់សង្គម ឱ្យបានល្អ ។ ត្រូវប្រកាន់ភ្ជាប់ នូវអាកប្បកិរិយានិងឥរិយា-បថថ្លៃថ្នូរ មានសីលធម៌ និង សុជីវធម៌ ដើម្បីធ្វើជាគំរូល្អ សំដៅលុបបំបាត់អំពើអសកម្ម ទាំងឡាយដើម្បីលើកកម្ពស់ កិត្យានុភាព និងសេចក្តីថ្លៃថ្នូរ សាកសមជាអ្នកបម្រើជាតិ និងប្រជាពលរដ្ឋដោយស្មោះ ត្រង់។ ត្រូវពង្រឹងសាមគ្គីភាព ឯកភាពផ្ទៃក្នុង ឱ្យបានរឹងមាំ ចៀសវាងឱ្យបាននៅការបែង ចែកបក្ខពួកនិងត្រូវយកផល ប្រយោជន៍អង្គភាពជាធំ ។
មន្ត្រីវរៈសេនាតូចនគរ-បាលការពារព្រំដែនគោក លេខ៦០៥ ត្រូវប្រកាសផ្ទេរ ភារកិច្ច តែងតាំងមុខតំណែង មានលោកឧត្តសេនីយ៍ត្រី សារ៉ុន សុវណ្ណារ៉ា ស្នងការរង នគរបាលខេត្តកណ្តាល ទទួល ផែនវរៈសេនាតូចនគបាលការ ពារព្រំដែនគោកលេខ៦០៥ ជំនួសលោកឧត្តមសេនីយ៍ត្រី លុយ ធៀម ត្រូវចូលនិវត្តន៍និង បំពាក់ឋានន្តរសក្តិអនុសេនីយ៍ ឯក ចំនួន៣៩រូប អនុសេនីយ៍ ទោ ៤៨រូប អនុសេនីយ៍ត្រី ៨ រូប នាយផ្នែក ២រូន នាយរង ផ្នែក ៤រូប និងរងប៉ុសិ៍ ១រូប ៕
