[CPD_READS_THIS] រដ្ឋបាលខេត្តកណ្តាលបាន ឱ្យដឹងថាពិធីប្រកាសចូលកាន់ តំណែងប្រធានមន្ទីររៀបចំ ដែនដី នគរូបនីយកម្ម សំណង់ និងសុរិយោដីខេត្តកណ្តាល នឹងប្រព្រឹត្តទៅនៅវេលា ម៉ោង៨ព្រឹក ថ្ងៃទី១០ ខែកុម្ភៈ នៅសាលប្រជុំខេត្តកណ្តាល ក្រោមអធិបតីភាព ឯកឧត្តម ឆាន់ សាផាន រដ្ឋលេខាធិការ ប្រចាំការតំណាងឯកឧត្តម ឧបនាយករដ្ឋមន្ត្រី ជាសុផារ៉ា ក្រសួងដែនដីនគរូបនីយកម្ម និងសំណង់ និងឯកឧត្តម ម៉ៅ ភិរុណ អភិបាលខេត្តកណ្តាល រួមទាំងមន្ត្រីដែលពាក់ព័ន្ធនៅ ក្នុងខេត្តកណ្តាល ។
ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងដែន ដីនគរូបនីយកម្ម និងសំណង់ បានសម្រេចបញ្ចប់ភារកិច្ច លោក លឹម ចាន់សូភី ពី ប្រធានមន្ទីររៀបចំដែនដីនគរូ បនីយកម្មសំណង់ និងសុរិយោដីខេត្តកណ្តាល ដោយ ចាត់ឱ្យមកបម្រើការងារនៅ នាយកដ្ឋានអភិរក្សសុរិយោដី ចំណុះអគ្គនាយកដ្ឋានសុរិយោ ដីនិងភូមិសាស្ត្រនៃក្រសួង រៀបចំដែនដី នគរូបនីយកម្ម និងសំណង់ ។
ឯកឧត្តមឧបនាយករដ្ឋមន្ត្រី ក៏បានសម្រេចតែងតាំងលោក សុក កាន់ណារិទ្ធ ជាប្រធាន មន្ទីររៀបចំដែនដីនគរូបនីយ កម្មសំណង់ និងសុរិយោដី ខេត្តកណ្តាល ជំនួសលោក លឹម ចាន់សូភី ។ នេះបើយោង តាមប្រកាសស្តីពីការបញ្ចប់ ភារកិច្ច និងតែងតាំងមន្ត្រីរាជការចុះថ្ងៃទី៥ ខែកុម្ភៈ ឆ្នាំ ២០២០ដែលទទួលបានកាលពីថ្ងៃទី៧ ខែ២ ឆ្នាំ២០២០ ៕
